كلمات البوم شرين ( بطمنك ) ...!

بطمنك

امنتك عليا عشان لاقيتنى مصدقاك..وعدتك فى وقت الجد جنبك هتلاقينى
بسهر على راحتك وراضيه اتعب معاك..وان متشيلكش الارض انا اشيلك فى عينى

بطمنك ياحبيبى من اولها..سكتنا لو عاندتنا هنكملها
دنيتنا لو تعبتنا من عمايلها..بالصبر انا وانت هنستحملها
على قدنا هنعيش مع بعضينا ..وحبنا من الدنيا دى يكفينا
ده انت وانا ولا عمرنا اتمنينا..غير بيت صغير وباب مقفول علينا

انا طول حياتي كنت بحلم لكي وبيك..وما بين ايديك كملت حاجة ناقصة فيا
من الدنيا مش طمعانة الا فحبي ليك..واديني جايه بوعدك دلوقتي بيا

بطمنك ياحبيبى من اولها..سكتنا لو عاندتنا هنكملها
دنيتنا لو تعبتنا من عمايلها..بالصبر انا وانت هنستحملها
على قدنا هنعيش مع بعضينا ..وحبنا من الدنيا دى يكفينا
ده انت وانا ولا عمرنا اتمنينا..غير بيت صغير وباب مقفول علينا

بكلمه منك

بكلمه منك تنسينى اللى عدى اوام..تخلينى احس بقيمة الايام
تطمنى سنين قدام
بكلمه منك تورينى اللى مش شايفاه..تريحنى من الهم اللى انا شايلاه
تعيشنى اللى مش عايشاه

كان فين هواك من بدرى يا حبيبى وكل ده فين
ده انا من قبلك انا عايشه مع العايشين
بكلم نفسى من الوحده بقالى سنين
وانا فى ضيقتى مكنتش عارفه اشكى لمين
ودلوقتى ولا بعمل حساب بعدين
ودلوقتى عرفت ابدأ حياتى منين

بكلمه منك عرفت دنيا معرفهاش..عشان خاطرك بحب حاجات محبتهاش
ولو تندهلى مستناش
بكلمه منك لاقيت كل اللى مش لاقياه..ولو فى حد زعلنى انا مسمحاه
ولو فى جرح انا هنساه

كان فين هواك من بدرى يا حبيبى وكل ده فين
ده انا من قبلك انا عايشه مع العايشين
بكلم نفسى من الوحده بقالى سنين
وانا فى ضيقتى مكنتش عارفه اشكى لمين
ودلوقتى ولا بعمل حساب بعدين
ودلوقتى عرفت ابدأ حياتى منين

براجع نفسي

انا مش هفضل كده على طول مش هستني العمري يعدي
انا مش هسكت لازم اقول اد ما هاخد اد ما هأدي

انا دلوقتي براجع نفسي قبل ما الايام تفوت
وعشان حاجات تعيش حاجات كتير لازم تموت

مش كبرياء لكن بصلح كل شيء فيا انكسر
ومن الغباء انك تعيش زي الملاك بين البشر

يعنى براجع نفسى
واللى زمان انا عشته لغيرى
أنا دلوقتى هعيشه لنفسى

مش عايزة غيرك انت

مش عايزة غيرك انت والله بحبك انت
والحب كلو انت وانت الناس كلها
دي سنين من عمري راحو قلبي عاشها بجراحو
كانت نقصاني حاجة و معاك كملتها

مش عايزة غيرك انت والله بحبك انت
والحب كلو انت وانت الناس كلها
دي سنين من عمري راحو قلبي عاشها بجراحو
كانت نقصاني حاجة و معاك كملتها
معاااك كملتها

من كتر هواك طول منا وياك مش عايزة اغمض عيني
عايزة ابقى معاك وافضل شايفاك واعشلك كل سنيني
لو سانية تفوت من غيرك اموت وهواك بس بيحييني

من كتر هواك طول منا وياك مش عايزة اغمض عيني
عايزة ابقى معاك وافضل شايفاك واعشلك كل سنيني
لو سانية تفوت من غيرك اموت وهواك بس بيحييني

مش عايزة غيرك انت والله بحبك انت
والحب كلو انت وانت الناس كلها
دي سنين من عمري راحو قلبي عاشها بجراحو
كانت نقصاني حاجة و معاك كملتها
معاااك كملتها

يا حبيبي معاك بملك بهواك الدنيا وكل زماني
تلمسني ايديك تحضني عينيك تلقيني فعالم تاني
مش عايزة خلاص غيرك من الناس وكفاية تكون على شاني

يا حبيبي معاك بملك بهواك الدنيا وكل زماني
تلمسني ايديك تحضني عينيك تلقيني فعالم تاني
مش عايزة خلاص غيرك من الناس وكفاية تكون على شاني
مش عايزة غيرك....والله بحبك...

دي سنين من عمري راحو قلبي عاشها فجراحو
كانت نقصاني حاجة ومعاك كملتها

مش عايزة غيرك انت والله بحبك انت
والحب كلو انت وانت الناس كلها
دي سنين من عمري راحو قلبي عاشها بجراحو
كانت نقصاني حاجة و معاك كملتها